Msanii nguli kwenye game ya bongo fleva Judith Wambura marufu kama Comando Jide, ameweka wazi kuwa tayari kufanya collabo na msanii Karen, ambaye ni mtoto wa aliyekuwa mume wake mtangazaji Gardner Habash.
Jaydee amekiambia kituo cha EATV kwamba mikono yake iko wazi kumpokea binti huyo ambaye kwa sasa anakuja kwa kasi kwenye game ya bongo fleva, akiwa na kazi zake zinazoendelea kufanya vizuri.
Akimzungumzia Karen ambaye kwake alikuwa ni mama mlezi, amempongeza kwa kuwa binti mrembo na kuamua kuingia kwenye muziki rasmi, huku akimtaka kukaza buti.
“Kwanza nampongeza sana amekuwa binti mkubwa mrembo na anafanya mambo mazuri, kwa hiyo asikate tamaa kila kitu kinawezekana afuate ndoto zake ataweza kufanikiwa, kuhusu collabo anakaribishwa anytime mikono yangu iko wazi”, amesema Jaydee.
Hivi karibuni Karen alikuwa kwenye Planet Bongo ya East Africa Radio na kusema kwamba kwenye game anamkubali Jaydee na ndiye mtu aliyegundua kipaji chake, wakati anaishi naye kama mama mlezi.
