ILIPOISHIA
Kabla sijalijibu swali la muandishi wa habari huyu, nikashuhudia gari la wagonjwa likisimamishwa kwa haraka aneo la mbele la nyumba hii. Wauguzi wakashuka kwa haraka kwenye gari hilo huku wakiwa na kitanda cha kusukuma na kukimbilia ndani ya nyumba hii. Wasiwasi mwingi ukanijaa moyoni mwangu, makamera man wakageuzia kamera zao katika eneo lilipo gari hilo la wagonjwa. Nikaanza kutembea kueleka katika eneo hilo la gari huku nikifwata kwa nyuma na waandishi hao wa habari. Kabla sijalifikia gari hili nikawaona wauguzi wakitoka ndani humu huku juu ya kitanda wakiwa wamemlaza bibi Jane Klopp huku akihemea pumzi ya oksijeni jambo lililo nistusha sana kwani sifahamu ni kitu gani ambacho kimempata mama yangu, bi Jane Klopp.
ENDELEA
“Daktari ni kitu gani kinacho endelea?”
Niliuliza huku nikiwa na shauku kubwa ya kuhitaji kufahamu.
“Mama yako amepoteza fahamu gafla, tunatakiwa kumwahisha hospitalini sasa hivi”
“Camila kaa na Mery sawa”
“Sawa”
Nikaingia ndani ya gari la wagonjwa huku nikiwa nimekaa pembeni nikimtazama bibi Jane Klopp jinsi anavyo hema kwa kutumia gesi maalumu ya oksijeni. Gari likaanza kuondoka katika eneo la jumba hili, njia nzima madaktari kazi yao ni kuhakikisha kwamba hali ya bibi Jane Klopp haiwi mbaya kabisa. Tukafika hospilini na bibi Jane Klopp akashushwa kwenye gari huku nami nikishuka na tukaanza kutembea kelekea katika chumba cha matibabu. Nikaikunja vizuri mikataba niliyo wasainisha mameneja kisha nikasimama pembeni ya mlango wa chumba hichi.
‘Ethan ni nini kimempta mama?’
‘Ni mstuko’
‘Haliya kae itakaa vizuri?’
‘Ndio usiwe na waasiwasi mkubwa rafiki yangu’
‘Sawa’
Hadi ina inatimia majira ya saa kumi na moja alafajiri bibi Jane Klopp akafanikiwa kupata fahamu zake. Nikakaa naye chini ya uangalizi mzuri wa madaktari hadi majira ya saa moja asubuhi ndipo nikarudi nyumbani huku daktari mkuu anaye mtibu akiahidi majira ya saa nne asubuhi ataruhuusiwa kurudi nyumbani.
***
Kutokana na kifo cha mzee Klopp utaratibu wa nazishi yake ukatuchukua wiki nzima hadi kukamilika. Hii ni kutokana na umaarufu wake kuanzia kwa wananchi hadi taifa kwa ujumla. Siku ya mazishi ikawadia huku karibia watu wote tukwia tumevalia nguo nyeusi huku wengine wakiwa wamevalia miwani nyeusi ili kuficha huzuni waliyo nayo juu ya kifo cha mzee Klopp. Viongozi mbalimbali kutoka bara hili la Ulaya nao ni miongoni mwa watu ambao wameudhuria mazishi haya.
“Mama jikaze”
Nilizungumza huku niiwa nimemuegemeza bibi Jane Klopp kichwa chake kwenye bega langu. Mchunganji akaendelea kuongoza ibada hii fupi, wana familia tukamuaga kwa mara ya mwisho huku tukiwa tumejawa na huzuni kubwa. Baada ya ibada kuisha, tukaondoka eneo hili la makaburini na kuwaachia wazikaji kufanya kazi yao ya kuuweka mwili wa mzee Klopp katika nyumba yake ya milele.
“Ethan”
Bibi Jane Klopp aliniita kwa sauti ya ungonge huku tukiwa katika gari tukirudi nyumbani.
“Ndio mama”
“Muangalie dada yako Mery kwa maana siku si nyingi nitamfwata mume wangu kule alipo elekea”
Mimi na Mery tukajawa na mshangao mkubwa sana huku tukimtazama mama usoni mwake.
“Mama huwezi ukafa”
Mery alizungumza huku machozi yakimwagika usoni mwake. Bi Jane Klopp akatabasamu kwa muda.
“Mery mwanangu, mama yako siku zangu za kuishi hapa duniani zina hesabika. Mimi na baba yako tuliweza kudumu sana kwneye ndoa yetu, upendo wetu ulianza toka tulivyo kuwa watoto wadogo na hadi tumekuwa watu wazima.”
Bibi Jane Klopp alizungumza huku akijipangusa machozi usoni mwake kwa kutumia kitambaa chake.
“Yeye ndio alikuwa rafiki yangu wa karibu. Naona kifo kikiwa mbele yangu, nawaomba sana muweze kushikamana, nawaomba sana muweze kupenda na Ethan nakuomba usiweze kusahau asili yako”
“Kivipi mama?”
“Ujerumani ni nchi ambayo umekua tu, ila Tanzania ndio nchi ambayo umezaliwa, najua hapo mbeleni utakuwa mchezaji mkubwa sana wa mpira wa miguu. Ila nakuomba ukicheza timu ya taifa, usiichezee Ujerumani, hakikisha unaichezea timu yako ya nchi ya Tanzania. Hata kama ni vikombe basi unailetea sifa nchi yako sawa”
“Sawa mama”
Nilimjibu bibi Jane huku nami machozi yakinimwagika usoni mwangu.
“Mery hakikisha kwamba una chagua mwanaume sahihi kwenye maisha yako, si kila mwanaume anaye kuja kwako ana kupenda, wengi wao wanapenda pesa zako na mali zako, hakikisha kwamba hivyo unaweza kuvihimili kwenye maisha yako ya kila siku.”
“Sawa”
“Ethan kwa upande wako natambua umepata mwnaamke sahihi, ila endapo utamuacha Camila maisha yako yatapoteza muelekeo hata kama utakuwa na pesa nyingi kiasi gani ila maisha yako yatayumba”
“Siwezi kumuacha mama nitakuwa naye maisha yangu yote”
“Nashukuru kusikia hivyo”
Bibi Jane Klopp alijibu kwa upole na unyonge wa hali ya juu. Tukafika nyumbani, bibi Jane akatumbo aeleke chumbani kwake kulala kwani anajihisi kuchoka sana.
“Ethan naomba tuzungumze”
Dada Mery alizungumza huku akitangulia nje, tukaa kwenye moja ya benchi la kumpumzikia lililpo katika moja ya bustani.
“Ethan kuna vitu nahitaji kufahamu kuhusu wewe”
“Vitu gani dada yangu?”
“Mama pale alisema kwamba umetokea Tanzania, je unapafahamu kwenu hata tukisema twende tukatembekee huko?”
Nikaka kimya huku nikitafakari maisha yangu ya nyuma.
“Nafahamu mkoa nilio tokea”
“Ni mkoa gani huko Tanzania?”
“Kilimanjaro ndio mkoa nilio tokea, mzee na mama ndiopo walipo nikuta huko”
“Je unaweza kuwakumbuka mama na baba yako au ndugu zako wengine?”
Nikajaribu kurudisha kumbukumbu zangu nyuma, ila kitu ninacho kikumbuka ni siku nilipo kuwa nimelala kitandani na kuwasikia mzee Klopp na mke wake wakizungumza.
“Ethan”
“Sikumbuki mtu wa ina yoyote.”
“Hata mama yako humkumbuki?”
“Kwa kweli simkumbuki”
“Mmmm”
“Ila mzee na mama waliniambai kwamba waliniokota pembezoni mwa mto mmoja hivi nahisi huko ndipo nilipo kuwa nimepata matatizo”
“Huo mto walikuambia jina lake?”
“Hawakuniambia na wala siufahamu ni mto gani”
“Inabidi siku moja tupange safari na kwenda nchini Tanzania, natamani sana kuiona hiyo nchi”
“Tuombe Mungu dada yangu mambo yasiwe magumu”
“Ila ushauri wa mama alio kueleza hakikisha kwamba una ufanyia kazi”
“Sawa”
“Poa mimi nipo ndani”
Dada Mery akandoka na kuniacha nikiwa na mawazo mengi sana juu ya kuifikiria nchi yangu ya Tanzania.
***
Siku zikazidi kusonga mbele huku nami nikizidi kujitahidi kuutenga muda wangu katika masomo na kuongoza mali za mzee Klopp ambazo kwa sasa ni mali zangu. Ethan hakusita kunisaidi kwa kila jambo ambalo ninalifanya kwenye maisha yangu. Nikiwa mwaka wa mwisho katika masomo yangu ya sekondari, Camila na wanafunzi wezake wakapata safari ya kuelekea barani Afrika kwa ziara ya wiki mbili katika nchi ya Somalia na Tanzania.
“Unafurahia safari yako?”
Nilimuuliza Camila huku tukiwa tumekaa kwenye bustani ya shule ninayo isoma mimi.
“Ndio nina furaha”
“Hivi unafahamu kwamba Tanzania ndipo nilipo zaliwa?”
“Weee?”
“Hivi sikuwahi kukuambia hicho kitu?”
“Hapana”
“Mmmm mabona nahisi kwamba nimesha wahi kukuambia?”
“Hapana au kama umeniambia basi nitakuwa nimesahau”
“Tuachane na hayo. Mimi kwetu ni mkoa wa Kilimanjaro”
“Kwenye mlima wa Kilimanjaro?”
“Ndio”
“Ohoo huko ndipo tunapo kwenda”
“Ni mlima mmoja mzuri, naamini utakwenda kufurahia safari ya huko”
“Kweli”
“Camila muda wa kuondoka umefika”
Mmoja wa waalimu aliye kuja na Camila alizungumza huku akitutazama.
“Tunakwenda mwalimu”
“Camila hakikisha unakuwa muangalizi huko, kwa nchi ya Somalia huwa sina uhakika nayo katika usalama wake”
“Usijali mume wangu, tumehakikishiwa ulinzi mzuri”
“Sawa, ila vipi baba yako kampeni zake zinaendeleaje?”
“Mmmm vizuri, tuna matumaini anaweza kuchukua kiti cha uraisi”
“Sawa, nenda usije ukamuudhi mwalimu”
Camila taratibu akanibusu mdomoni mwangu kisha akaanza kutembea kueleka kwa mwalimu wake. Hakika Camila ni mzuri kuanzia juu hadi chini. Kiunoni mwake amefungashia makalio makubwa kiasi huku hipsi zake zikiwa zimenona kisawa sawa. Mguu wa bia ndio kabisa umezidi kunichanganya akili yangu.
“Una mwanamke mzuri kaka”
Sauti ya rafiki yangu Frenando ikanistua, nikajikuta nikitabasamu huku nikimtazama usoni mwake.
“Yaaa Mungu amenibariki”
“Tukimaliza masomo hakikisha una muoa?”
“Huo ni mpango uliopo mbele yangu, baba yake ameniahidi akipata kiti cha uraisi basi nitamuoa”
“Naamini nitakuwa msimamizi wako”
“Hahaa hilo wala usijali, vipi leo tunaelekea uwanjani?”
“Yaa ndio nilikuja kukustua twende tukaanze mazoezi”
Nikaondoka na Frenando, rafiki yangu kutoka nchini Mexco. Tumekuwa ni marafiki toka kidato cha kwanza hadi muda huu na uwanjani mwezangu anacheza nafasi ya golikipa huku nami nikicheza nafasi ya mshambuliaji. Tukiwa katikati ya mazoezi, tukamuona mwalimu mkuu akifika uwanjani hapa jambo amlao sio kawaida yake.
“Ethan na Frenando njooni”
Tukatoka uwanjani na kuwaacha wezetu waendele na michezo.
“Natambua kwamba sasa hivi muna jiandaa na masomo yenu ya mwisho, ila nina jambo moja nina hitaji kuwaomba”
Mwalimu mkuu alizungumza huku akitutazama usoni mwetu, nikatingisha kichwa kidogo ikiwa ni ishara ya kumruhusu mwalimu mkuu aweze kuzungumza kile anacho kihitaji kukizungumza.
“Kuna mashindano ya shule za sekondari za bara la Ulaya. Shule yetu ni moja ya shule zilizo chaguliwa kushiriki kugombani kombe hilo. Kuna shule kutoka, Uingereza, hapa Ujerumani, Hispain na kadhali. Ndio shule yetu ina kikosi kizuri cha wachezaji, ila pasipo nyinyi kuwepo hakuna jambo linalo weza kufanyika na sidhani kama shule yetu inafuzu na kufika mbali”
Mwalimu mkuu alizungumza kwa upole sana na ushawishi mkubwa kwani wachezaji wanao soma kidato chetu wote wametolewa katika kikosi cha timu ya shule ili wapate muda mzuri wa kujiandaa na mitihani ya mwisho. Nikamazama Frenando usoni mwake.
“Mkuu hapo inabidi tusaidiane, kama unavyo jua mitihani ya mwisho inavyo kuwa migumu na inahitaji muda mwisngi wa kujiandaa sasa tukishiriki ina maana kuna asilimia stini ya sisi kufeli”
“Una maanisha nini Frenando?”
“Maana yangu ni kwamba inabidi utuhakikishie juu ya kuvujisha mtiani kwa sisi wawili. Nasi tutajitoa kwa ajili ya shule na utapata sifa timu yako kuchukua ubingwa na pili utapata sifa ya wachezaji wako kufaulu kwa kiwango cha juu”
Mwalimu mkuu macho yakamtoka, akavua miwani yake na kujipangusa macho yake kidogo kisha akaivaa tena.
“Hilo ni kosa la jinani na ikijulikana lazima nifungwe na mutafutiwa matokeo”
“Siri itakuwa ni ya watu watatu, mimi wewe na Ethan?”
“Nipeni muda niwee kulifikiria hilo”
“Utakapo kuwa tayari basi nasi tutakuwa tayari”
Mwalimu mkuu akaondoka bila hata ya kuaga na kumfanya Ethan kuangua kicheko cha chini chini.
“Pumbavu, tumemkamata anapenda kujipatia ujiko kupitia sisi na mwisho hatunufaiki na chochote”
Frenando alizungumza huku akiendelea kumsindikiza mwalimu kwa macho.
“Turudi uwanjani”
Nilimuambia Frenando huku nikikimbilia ndani ya uwanja na tukaendelea na mazoezi ya kawaida ambayo tunayafanya kila siku. Baada ya siku tatu mkuu wa shule akatuita ofisini kwake, akatueleza kwamba amekubaliana na makubaliano yetu tuliyo muagiza na atahakikisha kwamba hakuna kati yetu atakaye weza kufeli.
“Kama ni hivyo, anda mashabiki tu”
Frenando alizunugmza huku akinyanyua kwenye kiti alicho kalia na tukatoka ofisini humu. Kitu ninacho mpendea Frenando ni mtu anaye jiamini na huwa hayumbishwi na msimamo wake anao jiwekea. Amekuwa ni msaada mkubwa sana wa kwangu wa kuwakataa wasichana wote wanao mtumia yeye kunisumbua katika swala la mahusiano huku akiamini kwamba Camila ndio mwanamke sahihi kwenye maisha yangu na si hawa wengine wanao nipenda kutokana na pesa pamoja umaarufu wangu.
Wanafunzi wa kidato chetu wakashangaa sana kutuona nasi tumeitwa kwenye kikosi cha timu ya shule. Maswali mengi yakaibuka kwa baadhi ya wachezaji wa darasa letu, ila hatukuweza kuwajibu kitu cha kueleweka huku nasi tukiwaambia hatujui ni kwa nini kocha wa shule ameamua kufanya hivyo. Tukajumuika na wanafunzi wa vidato tofauti tofauti katika kufanya mazoezi na timu ya shule.
“Frenando”
“Mmmm”
“Umepata barua yangu yoyote kutoka kwa shemeji yako?”
“Hapana kwa nini?”
“Aliniahidi kwamba akifika nchini Tanzania atanifahamisha kwamba amefika”
“Labda hajapata simu, si unajua huko alipo kwenda maisha ni tofauti na hapa Ujerumani”
“Ni kweli”
Kocha akatukabidhi ratiba ya nchi tulizo pangwa nzao katika kundi letu hili ambalo ni ‘F’
“Nchi ya kuwa nazo makini sana hapo ni Uingereza na Italy, tukifanya makosa hatuto songa mbele na wezetu wamejiandaa kisawa sawa, kwani wachezaji wao wana vipaji na wana uwezo mkubwa. Ethan wewe ni jicho langu, Frenando wewe ni kifua changu na mulio salia nyinyi ni mikono yangu. Nawaomba musiniangushe, nawaomba mufanye kile munacho paswa kufanya kwa miaka yote ya nyuma kwenye mashindano mengine. Haya ni mashindano mapya kabisa kwa timu za sekondari, hapa ndipo kwa kujiuza nyinyi wewenyewe kwani mameneja na makocha kutoka timu kubwa duniani watakuwa wakifwatilia mashindano hayo ambayo yatarushwa moja kwa moja kwenye televishion. Tulinde heshima ya nchi, na heshima na shule pia. Kwa pamoja tutakiwa kishinda sawa”
Wachezaji wote tukamuitikia kocha wetu kwani amezungumza maneno hayo hadi machozi yanamwagika usoni mwake, ikiashiria kwamba ana uchu na hamu sana ya kutuona vijana wake tunashinda na kuwa timu bora katika bara zima la Ulaya.
==>>ITAENDELEA KESHO
