BAADA ya ‘kubanjuka’ kimahaba na staa wa muziki Nasibu Abdul ‘Diamond’ kisha kuhamishia majeshi kwa mtangazaji Casto Dickson ‘Komando Kipensi’, hatimaye Video Queen, Anastazia Kimaro ‘Tunda’ amemnasa jamaa anayefahamika kwa jina la Tajiri Mtoto wa Arusha anayedaiwa kuwa na umri wa miaka 27.
Akizungumza na Risasi Jumamosi ndugu yake Tunda ambaye ameomba hifadhi ya jina, alidai kuwa kwa sasa video queen huyo anatoka na kijana huyo anayefanya kazi kwenye migodi na kwa kuwa ana mkwanja wa kutosha, Tunda ameamua kuhamishia makazi yake Arusha.
“Tunda kwa sasa anaishi mjini Arusha, amepata bwana mwenye fedha zake watu wanamuita Tajiri Mtoto kwani ana hela za mgodini zinamsumbua, wanaume wa Dar watamsikia tu na kumuona mitandaoni,” alisema ndugu huyo.
Risasi Jumamosi lilimsaka Tunda kwa njia ya simu akadai kuwa hapendi kuongelea maisha yake lakini kama watu wanavyoona mitandaoni basi waelewe hivyohivyo.
“Nimehama ndio maisha ya Dar si yangu tena kwa sasa nina maisha mengine na kifupi sipendi sana kuanika mambo yangu naomba watu waelewe hivyo kama wanavyoniona mitandaoni,” alisema Tunda ambaye alikataa kuongelea masuala ya mpenzi wake wa mwisho kabla ya tajiri huyo, Casto.
STORI: Hamida Hassan, Risasi Jumamosi.
The post Tunda anasa penzi la tajiri mtoto Arusha appeared first on Global Publishers.
